أمي و أم الدنيا

 

 

 

قلــ مصــــــــر ــبـي

أمـــــي وأم الدنيــــا

بـ نتولد على حبك

ونتربى في عشق ترابك

ونعيش و نحلم نكبر

وبروحنا نفدي شبابك

بـ نتعلم من صغرنا ازاي نفديكِ

ونكبر.... ويكبر معانا حلمنا بيكِ

ونقول هـ نحقق حلمنا

ونبني ونعلي البُنا

وفي لحظة حلم وخدانا....

نلاقيكِ ناسيانا

ننادي عليكِ يا أمي ردي

وننتظر منك رد وردي ....

نلاقى الصدى بـ يرد علينا

والغربة جوانا بتنادينا

نحتار ونسأل ....

يا ترى هي دي أمي ؟!

ليه عننا بـ تتخلي ....؟!

ونلاقي خطوتنا بـ تبعدنا ....

وللغربة بـ تاخدنا ....

نروح ونقول ....

يمكن نلاقي برا أمان !

يمكن نلاقي فيه حنان ....

لكن يا أمي .... بنلاقي جفا

ونحن لقسوتك .... والدفا

وإحنا في غربتنا .... بـ نربي ولادنا

على حبها ليكي

ونرجع من تاني ونحضن ترابك ....

ونقولك يا أمي .... احضني شبابك

وانتي ضعيفة

م اللي بينهبوكي

واللي بيسرق

واللي بيقتل فيكي

بـ نرجع كل مرة نلاقيكي

اضعف م اللي قبلها

بتصرخي وتقولي...

يا عالم مصر لأهلها

احموني يا ولادي من كل أعدائي

نضمك بقوة ونقولك بأعلى صوت

فداكي روحنا يا أمي حتى الموت

بحبـــــــك يا مصــــــــر

....