هي لحظة

هي لحظة

حلوة ومُرة

حزينة وجارحة

وبتدمي

وكلها دموع

كل حرف بـ يبكي

بـ يقول موجوع

ومش قادر اشكي

تعب التعب

في قلب تعبان

جرح المشرط

أهون بكتير

من جرح الإنسان

لحظة بتمر

وتسقينا المُر

ساعات بتغير فينا

وساعات نعمل نسينا

وساعات نقول

مش هممنا

ونموت الآهة فينا

عشان ما نكون سبب لجرح

غيرنا

ولا يوم تبكي عيونهم

بـ سببنا

ومش بـ ننتظر منهم

كلمة

تقدرنا

ونقول حبهم

ورعاية قلبهم

قدرنا