القلب الذي يحمل كرهاً بداخله

أو يسمح بدخول الكره فيه

هو قلب مريض

ربنا يعين صاحبه عليه

اللهم ارحم أمي وأبي واجعل مثواهما الجنة

اللهم ارحم أمي وأبي ووسع عليهما قبرهما
واجعله روضة من رياض الجنة
اللهم اغفر لهما وارحمهما وأدخلهما جنات النعيم
اللهم يا حنَّان ، يا منَّان ، يا واسع الغفران ، اغفر لهما و ارحمهما ،
و عافهما و اعف عنهما ، و أكرم نزلهما ، و وسع مدخلهما ،
و اغسلهما بالماء و الثلج و البرد ،
و نقِّهما من الذنوب و الخطايا كما ينقَّى الثوب الأبيض من الدنس
اللهم أبدلهما داراً خيراً من دارهما ، و أهلاً خيراً من أهلهما ،
و أدخلهما الجنة و أعذهما من عذاب القبر و من عذاب النار
اللهم اجعل لهما بيتا في الجنة
اللهم آمين وجميع أموات المسلمين
آمين يا رب العالمين

رمضان كريم

السلام عليكم ورحمة الله وبركاته

كل عام وأنتم بخير

وكل الأمة الإسلامية بمليون خير يا رب

رمضان كريم على الجميع

ويا رب صيام مقبول وذنب مغفور

ربنا يتقبل صيامنا وقيامنا وصالح أعمالنا

ويُحسن خاتمتنا

آمين يا رب العالمين

يا بحر الهوا

يا بحر الهوا

 

جيتك يا بحر الهوا أشكي حالي

جيتك أبكي وتسمع شكوتي

جيتك بقسوة من حبيبي

غاب عني يا بحر ونسي

جيتك يا بحر عنه أسأل

فين يا بحر حبيبي ودنيتي

كان مالي بالفرح حياتي

راحت الفرحة من يوم عني غاب

وفضلي حزني ودمعتي

يا بحر ان جالك يوم عني يسأل

قوله إني علي غيابه سامحته

وقول له أنه كل منايا في دنيتي

 
٢٧ مارس ٢٠٠٨ 

03-27-2008, 09:33 PM 

****

 ومهما بعدنا او فارقنا

راجعين ... راجعين

والشوق في قلوبنا

بدموع عيون بتقول بلاش تاني تغيب

وبلمسة منه يمسح كل دمعه

وبهمسه تعود للشفاه البسمه

وبلهفة ترجع للروح من تاني الفرحه

وقلبي يدق وينبض من جديد

ومين غير حبيبي يرجع لقلبي الدقه

٢٩ مارس ٢٠٠٨ 

 03-29-2008, 08:50 AM 

****

 

لبحر الهوا همست بدمع العيون

شكيت غيابك وشوقي المجنون

همسلك البحر همسه

وجيت حبيبي بكل لهفه

تضم قلبي بشوق ومحبه

١٢ ابريل ٢٠٠٨ 

 04-12-2008, 08:58 PM

 

افعل ما تشاء

اصرخ بي

اغضب

اهجر

وابتعد

وعاقب

قل ما تشاء

و افعل ما تشاء

اشعل ثورتك بدمائي

قم بطعن كرامتي

وكبريائي ...

فكم زللتهما بين يديك

ولا اهتم لذلك ...

لاني منذ احببتك

ألغيتهما بيني وبينك

أسل بين طعناتك آلامنا

حطم بيديك آحلامنا

اتهمني بما تريد

وانت تعلم انه اتهام ... مجرد اتهام ...

اهجر ... وابتعد ...

ولكن تذكر ...

انني لن اهرب منك

واني سألجأ اليك

اشكوك الي نفسك

فليس لي

من يحميني

منك

ويحتويني

ســـــواك

١٢ مايو ٢٠٠٨ 

12 - 5 -2008, 10:35 PM

ومضة حلم

ومضة حُلم

حياة فيها الحلم ومضة 

 

تخطف أرواحنا لبرهة 

نحيى فيها عمرا طويلا

ويأبى الواقع المُر إطالته

فيأخذنا من أنفسنا 

ويُنسينا أننا أحياء 

من أبسط حقوقنا مجرد الحُلم 

 

ويتوه بنا في دوامة الدنيا 

تتقاذفنا أمواجها في كل اتجاه 

حتى يوصلنا لقلب الدوامة

فنغرق وفي قلوبنا ذكرى

لبُرهة حياة 

عشناها في ومضة حُلم 

وجهة نظر ... مقال

وجهة نظر

 في حاجة انا مش فاهماها ليه بتحصل ..

وهي إن المجلس العسكري استلم البلد فترة مؤقته لتسيير الاحوال حتى يتم انتخابات صحيحة ويتم نقل السلطة مدنية  ووقتها على ما أفتكر قالوا خلال ست شهور هيتم الانتخابات

 ( ولو انا غلطانه في معلومة الست شهور حد يصححهالي وعذرا على النسيان )

طيب المفروض خلال الست شهور يكون التركيز على الانتخابات والعمل على انتقال السلطة ايه اللي حصل بقى ؟ ..

 اللي حصل ان جمعه ورا جمعه بيطلع الناس الميدان بمطالبات جديدة .. حقهم  مفيش اعتراض .. و برغم اني التمست للمجلس فيها العذر بتأخير الانتخابات .. ولــــــكن .. التفكير في الاحداث الجارية هتلاقي العذر بيروح ليه بقى لأن كل جمعه كان بيطلعها الثوار وبيقدموا مطالب بيكون الكل على علم بيها  طيب مهو بدال ما نستنى لما يطلعوا ويحصل ان حد ( كما يُقال ) يحصل ان حد يدخل ويعمل وقيعه والدنيا تقوم  ..

 طيب ليه المجلس مش بيقدم الحل او الحوار مع الثوار بمجرد معرفته انهم هينزلوا التحرير ؟!

الاحداث الجارية الحالية .. النهاردة الاحد .. يعني تالت يوم والاحداث في تصاعد غريب

ليه المجلس العسكري لم يقدم تلبيه لطلبات الثوار ؟ خصوصا أنه في كل مرة يتم الاعتراف بمشروعية تلك الطلبات ..

 يعني مفيش مشكله فيها يبقى ليه مش نناقشها ونشوف كيفية تلبيتها ازاي ..؟

حتى بفرض ان في وثيقه تم تقديمها من الحكومة وتم رفضها..  المفروض يتم التحاور والتفاهم لحل ..  انما التجاهل وترك الامر حتى يصل لهذا الحال دا نسميه ايـــــــــه ؟!

انتم كدا كدا عارفين انكم مش مستمرين وتواجدكم هو مرحلة وقتية لحين انتقال السلطة يبقى ليه الموقف  السلبي دا ؟!

المصابين المعتصمين في الميدان بيطالبوا بحقوق كان ابسط حل تشوفوهم طلباتهم ايه ولو هما ملهمش حق هيظهر ولو لهم حق يبقى تدوهم حقهم وتحققوا ليه مخدوش حقهم لغاية دلوقتي ومين سبب التأخير

ليه لغاية دلوقتي مطلعش اي حد من المجلس الموقر يكلم الناس في التحرير

مش كفايه يطلع حد ع التليفزيون ويقول كلمتين يحرقوا دم الشعب ويخليهم يثوروا أكتر

المفروض انكم على علم بالمليونية وعلى علم بالطلبات يبقى المفروض برضه انكم تكونوا مجهزين ردكم  ورد بالفعل مش مجرد أقوال

وكمان ليه السيناريو بيتم اعادته نفس الكلام ( اللي في التحرير مش ثوار دول مندسين ومعرفش ايه من الكلام الي ملوش لزوم دا )

المصري مصري مفيش فرق بين مصري ومصري  يبقى من حق المصري حتى لو كانو باعه ( كما قيل )  برضه من حقهم تشوفوا مطالبهم ومن حقهم الاحترام والتقدير  ومن حقهم انهم يطالبوا بعيشة كريمة

انما يطلع واحد يقول كلمتين زي اللي بيحط بنزين ع النار  يخلي الناس تزيد في غضبها ؟!

كمان الشرطة المحترمة اللي سايبه البلد تضرب تقلب من وقت 28 يناير  وراجعين بنفس الاسلوب واستعمال نفس الطريقه

هو انتوا متعلمتوش الدرس ؟!

هقول يا شرطة ويا جيش  انتوا مننا اهلنا واللي بتضرب فيهم دول اهلك اخواتك جيرانك قرايبك   ولا انتوا جايين من كوكب تاني ؟؟

عايزين يبقالكم موقف حلو يبقى تتعاملوا حلو ليه القنابل المسيلة للدموع والرصاص

ليه ؟!

لو رجعتم بيوتكم ولقيتوا حد من أهاليكم مصاب واكتشفت انه مصاب بسبب الغاز المسيل للدموع او رصاص مطاطي او رصاص حي هيكون موقفك ايه  هتسامح نفسك ؟

لو اكتشفتت ان السبب في اصابته يبقى  انت  ياترى هتسامح نفسك ؟

لو هو اكتشف انك أنت اللي أصبته تفتكر هيسامحك ؟

ياعالم دا احنا في مركب واحدة بلدنا دي ولا بلد مين  ؟

اهلنا انتوا ولا انتوا جايين منين ؟

يا ثوار يا احرار ياللي قلوبكم مفيش زيها

قدمتوا أروع ثورة في التاريخ

حافظوا عليها زي ماهي متخلوهاش تضيع

ومتسمحوش لأي متسلق يسرقها منكم

بروعة اخلاقكم وتعاملكم

متسمحوش لأي مخربين يتواجدوا بينكم  ويتحسبوا منكم أو يثيروكم

 والنتيجة تكون حرق البلد ومنشآتها وأملاكها اللي هي منشآتنا وأملاكنا

ليا عتاب عليكم كمان  .. اللي يختلف في الرأي معاكم

او اللي مطلعش وشارك في الميدان

ليه تعتبروه خاين او عدو أو فلول

مش اول أهداف الثورة حرية الرأي برضه واحترام رأي الاخرين

 وعدم التقليل من شأن أي مخلوق مهما كان مين

متنسوش ان الكل مصريين

 ولو حد مختلف في الرأي لغشاوة على عينيه

واتراجع في رأيه وحب يصحح مساره ليه نقول منافق ؟؟

حاجات كتير  عايزة اقولها .. وخوف ورعب كبير من اللي بيحصل

هاقول يا رب وبس احفظ بلدنا واحميها واحفظ شعبها

 الشعب دا طيب اوي اوي ويستاهل يعيش بكرامة واحترام وتقدير

لانه فعلا شعب حلو ومحترم وكبير

يا مصر ياللي اسمك اتكرر خمس مرات في كتاب الله

يا مصر يا مهبط رسل وطريق لانبياء الله

يا جنود مصر ياللي قال عنكم المصطفى خير اجناد الارض

يا مصر ياللي رب العالمين وصفك انك بلد الأمان

ياترى يا بلدي رايحة على فين..؟

من قلبي الموجوع اوي وبدمع عيوني الصامت

 كانت حروفي لكم تناجي الخير بقلوبكم ..

 أختكم في الله براءة جميلة

الأحد 20 نوفمبر 2011 

للأسف ( 1 ) .. مقال

للأسف

البعض بـ يهاجموا الإسلام من غير ما يحسوا

بحجة أنهم بـ ينتقدوا التيارات الإسلامية

وفي اللي بـ يتريقوا على أحكام الشريعة

باستخدام الأحكام في الهزار وقلب مسميات أفلام

او مواقف بطريقه مهينه

وفاكرين بيهزروا او بينتقدوا جماعه معينه

في حين هما بينتقدوا أحكام الشريعة

وكلام رب العالمين ( القرآن )

واحاديث المصطفى صلى الله عليه وسلم

ربنا يهدي يا رب

يا رب يهدينا جميعا لما يُحب ويرضى

آمين يا رب العالمين

أنا مش ضد إن الكل يقول رأيه

 بالعكس كل إنسان حقه يقول رأيه

 ولرأيه كل الاحترام والتقدير اختلفت أو اتفقت معه

 لكن ما يحزنني ان الاقي الرأي دا بينقال بألفاظ غير لائقة 

أو باسلوب تكبر على خلق الله 

مع العلم الجميع سواسيه مفيش حد ابن ناس وحد مش ابن ناس الكل ولاد ناس ..  

واللي بيحزن اكتر تلاقي ناس بتفتي وتكفر وتحلل

  او تتريق على أحكام الشريعه 

وهما غير مدركين انهم كدا بيتريقوا على أحكام في القرآن الكريم .. 

طبعا التريقه والهجوم بيكون مقصود منه انهم بيهاجموا جماعه او تيار

 لكن للاسف مبياخدوش بالهم ان بهجومهم دا وتريقتهم دي

 انهم بيتريقوا على كلام رب العالمين 

كمان اللي بيحزن تلاقي ناس المفروض انهم فاهمين وعقلهم حلو

 وتلاقي بيجروا ورا اي خبر ويساعدوا في نشره 

وفي الاخر يطلع الخبر من اساسه متفبرك

 وتم عمله بطرق معينه لتشويه او للتشويش على شيء معين

  وبيتم كشفه انه متفبرك ..

 طيب فين العقل يا بشرررر

 هو اي حاجة ننقلها ونصدقها ونهاجم كدا 

من غير ما نقرأ كويس ونتأكد من صحة الخبر .. 

بقينا في وقت مش اي حاجة نسمعها او نشوفها نصدقها

 لان الفبركه كترت اوي

 والقاء التهم على الناس بالباطل ان لم يكن عليها عقاب في الدنيا 

فعقابها في الآخرة عظيم .. 

ربنا يرحمنا برحمته يا رب ويحفظنا ويهدينا جميعا يا رب 

ويعدي الفترة دي على خير 

ويحفظ بلدنااااا يااااااااااا رب العالمين

للأسف ( 2 ) ... مقال

للأسف

ينادون بحرية الرأي 

 وهم أول من يتعامل بديكتاتورية وفرض رأيهم

 ومن يكن معهم فهو الأفضل ومن يخالفهم فهو عدو ..!!

 ينادون بالاحترام وهم أول من يقومون بالسب

وباستخدام ألفاظ لو نطقها طفل لتمت معاقبته عليها .. !!

(ألفاظ تُعتبر سب علني يُحاسِب عليه القانون )

ينتقدون من يتعرض للدين

 وهم أول من يتهمون الآخرين في دينهم

 يصفون أنفسهم أنهم الصفوة المثقفة  ولا مثقف غيرهم

 وحين تنقاشهم تجد قمة الجهل  ..

يتعاملون من علو بتكبر وغرور

 ونسوا قول المصطفى صلى الله عليه وسلم :

( لا فرق بين عربي وأعجمي إلا بالتقوى )

 يناقضون أنفسهم للأسف

لست مع أو ضد ولا أهاجم ولكن مجرد رأي

من خلال قراءة للأحداث وما يتبعها من أراء ونقاشات

من الجميع بلا استثناء

ربما أكون على صواب .. وربما أكون على خطأ

لذا محتاجين إعادة تأهيل أخلاقي مع الثورة  ..

مش تأهيل نقد أو نصائح ولا أوامر

لكن  تأهيل بـ سلوكيات فعلية ..

مع صبر شديد للحصول على النتيجة ..

لأن صعب جدا تغيير ترسبات لسنوات طويلة

في يوم وليلة

بقلبي وقلمي براءة جميلة

من بين كل القلـوب

من بين كل القلـوب

من بين كل القلـوب .... عشـق قلبــي قلبــك

ومن كل كلِ البشـــر .... اختــرت حُبــــــك

وهناك هناك بعيد .... بنتلاقى في قلب القمر

تقولي كلام كتير .... ويحلى في عينيك السهر

بسمة ونظرة و همسة حب .... تقولها العيون

فيها كل كلام العشاق ....فيها كل غرام الكون

و كلمة وحرف بيتلاقوا على الشفايف يتمنوا

لو انهم ما يتقالوا .. يتحسوا بس ويتفهموا

ولمسة ايد للايد .... فيها حنان .... فيها أمان

فيها حب جديد ...

فيها عهد واخدينه .... فيها وعد صاينينه

فيها الحب حاسينه

وجوه قلوبنا شايلينه

 

11-15-2008, 03:19 PM 

15 نوفمبر 2008 

 ــــــــــــــــــــ

 نتلاقى ونداري والحب يصرخ جوانا

و تفتن علينا ... نظرة عينينا...

ولهفة لقانا ... والبدر في سمانا

شاهد علينا

و دقة قلوبنا بتصرخ تقول

بحبك ولحبك انا ليك على طول
11-15-2008, 08:38 PM 

ـــــــــــــــــــــــ

 تسألني وكل دقة بقلبي تُجيبك

تناديني وكل ذرة بكياني تُلبيك

ألا تعلم ان فخر قلبي بقربك

وأن جنة حبي خُلقت لأجلك

 11-17-2008, 03:02 PM

ــــــــــــــــــــــ

 الفوز كان نصيبي .... فوز قلبي بقلب حبيبي

فمن اليوم مثلي .... من اليوم تمتلك فخري

معه وجدت كل الامان ....وله كل الحب والحنان

فحبيبي يمتلك اخلاقا ليست من هذا الزمان

11-17-2008, 06:06 PM

 

رقصة الحب والحياة

لمسة ايدينا تاخدنا لدنيا غير الدنيا

وبهمسة منك بكلمة تحسسني بالدفا

وبضم قلبك لقبي يروح الخوف م الجفا

تحضن روحك روحي وتطمنها ...

نروح هناااااااااك بعيد عن كل البشر

جزيرة بعيدة جنة تضمنا

فيها بستان فرح مخلوق لنا

نسيم هايم علي دقات قلوبنا

طيور بتغني لحن حبنا

النسمة تداعب شعري يطير

علي وشي تمد ايديك ترجعه

وتبص في عيوني وتهمس بكلمة

عارفه معناها

وحاساها

وقلبي من شفايفك سمعها

بكل حنان تضمني

وبقلبك تحضني

ونروح في لحن جميل

نرقص معاه

رقصة الحب والحياة
  2 اكتوبر 2008

10-02-2008, 02:41 PM

طايرة في السما

طايرة في السما

كل ما فيك حبيبي مختلف

معاك بحس إن الزمن بيقف

بتفوت علينا دقايق وساعات

مش بحس قد إيه م الوقت فات

ليه بحس الساعات ثواني

ليه باعيشها بشكل تاني

بحس إني طايرة في السما

والفرحة حوالينا متبسمه

ليه بحس إني معاك متلخبطة

والكلمة بكتبها ليك متشخبطة

ليه بيكون نفسي اصرخ بفرحة

وباشوف نفسي بفستان وطرحة

ليه لما تغيب كل ذرة فيا بتناديك

وروحي تهرب مني وتجري عليك

ولما نتلاقى تفرح الدنيا بيا وبيك

ومن فرحتي باحسد نفسي عليك

ليه ؟؟؟؟

10-14-2008, 08:45 PM

14 - 10 - 2008

لحظات بـ سنين ....

لحظات بـ سنين....

غيابك من أول لحظة

حسيت أنه سنين

حسيت روحي بـ تجري ورا خطوتك

وهي بـ تبعد

وأنت بأيديك بتشاور لها

و تقول لها ارجعي

تبكي عيوني وتناديك

ودمعي يبكي ويشكي

وقلبي يئن جواي

ودمعي يقول لي كدا كفاية

كفاية أنين

ما تعرف إن مِن أول ثانيه يا حبيبي

بتمر عليا اللحظة سنين

فات سنه ورآها سنة

ولا حسيت بطعم ألهنا

بـ رمش عيني أناديك ترجع

وأقولك حبيبي فراقك بـ يوجع

وأقول يا ترى حس بندا الدمع

وصوتي هـ يوصله ويسمع

وهيجي يضم قلبي بقلبه

ويقول لي انسي اللي فات

كان سنين مُرة وذكريات

وأقول له سنين فراقك على قلبي طالت

مع أنها كانت مجرد فراق

للحظات...

بس من حبي الكبير إليك

بتمر في غيابك الثانية ساعات

وتبقى الآهة بحرقة آهات

أصحا على صوتك بـ يناديني

بـ يقول لي مالك يا نور عيني

أقولك في قلبك ضمني

وخبيني

وأوعى يوم تفارقني

أو تغيب عن عيني

غيابك عذابي

وبعدك موتي

يضم قلبك قلبي

بـ قوة ويطمئنه

يقوله بعشقك

وقلبي يصرخ

مش قد عشقي ليك

بحبــــــــــك
 ....

01-09-2009, 05:40 PM

9 يناير 2009