ليه يا قلم

ليه يا قلم نزيفك بيوجع

وليه حبرك بأنينه بيدمع

وليه كل ما امسكك بايدي

تهرب وتتوجع

بتسأليني ...؟

اسألي ايديكِ وقبلهم إحساسك ...

ليه خلاني للألم والحزن خطيت ...

ولدمع العيون وصفت ...

وعن أنين القلب عبرت ...

بتلوميني عن حبر نازف مني

ولا على حزن فاض من جواكِ ..

يا رفيقة النزف بينا شبه في الألم

انتِ أنينك حروف ما يكتبها غيري قلم

ولو فرحتِ بفرح لفرحك

وينزف حبري بلون الدم

فرحته محبة بفرحة قلبك

وإن كان حزين

بيكون نزيف احمر بلون حزنك ...

لون واحد واختلف المعنى

بتسأليني ازاي واشمعنى

سيبيني تعبت منك ومن تعبك

بكتب الفرحة و تتوه في آه ألمك

سيبيني ولا تلوميني ولا ألومك