نفوس ملونة
عجبي على بعض من البشر بمليون وش
.. ناس لا تعرف ربنا ولا تخاف ..
فاكرين التلوين شطارة ..
وان عمرهم ما هينكشف لهم غش ..
فهلوة في قلب الحقايق ..
استاذية في المسكنه ..
يظهروا كأنهم مليانين طهارة ..
يقربوا منك اوي بحجة الاخوة
و تلاقي جواهم قمة الحقارة ..
ولما تكتشفهم و تبعد عنهم .. يلاحقوك
وبكل الطرق يحاولوا يتقربوا ويدنسوك ..
ولما يلاقوك في حالك اوي
يعملوا فيها مساكين ويقولوا ويعيدوا
وهما جدا واثقين ان اخلاقك هتمنعك تفضحهم
كدبة كدبوها وصدقوها
والاغرب تلاقي ناس تعرفك
وفي الكلام معاك تحسها بتحبك
من قدامك يشجعوك
ويقولوا احنا معاك
ومن وراك بياكلوا في لحمك
ولا فكروا يردوا غيبتك
ولا يقولوا للحقارة كفاية
طيب مصدقين الحقارة خليكم معاها
جايين ليه عاملين حبايب واصحاب
خليكم مع اللي زيكم
صدق المثل اللي قال ( الطيور على أشكالها تقع )
حسبي الله ونعم الوكيل
ليست هناك تعليقات:
إرسال تعليق