هي كدا الدنيا

هي كدا الدنيا

بقى فيها البشر عايشين

أشباه بني أدمين

فيهم ملايكة وفيهم شياطين

ويا ويل الغادر منهم من رب كريم

يمهل ولا يهمل دعوة المظاليم

دنيا فيها الكل بيتمنى ....

يحقق حلمه ويتهنى

لكن ميعرفش انها زي بعضها

أصلها مش هتفرق كتير

مين حقق الحلم ...

ومين خد حلمه الطير

في الاخر كله عايش عيشة والسلام

دوامة وبتدور

وكل واحد جاي عليه الدور

دوامة احزان

بيجي الفرح فيها صدفة

مبقاش هو الاساس زي زمان

دلوقتي بقى الحزن والهم هو الارض

اللي عليها الناس في كل مكان

كنت اسمع يقولوا ....

ان الناس كانت غير الناس

طيب يا عالم ايه اتغير فينا ؟

يقولوا دنيا وكاسها شربناه

مٌر واتحملناه

حياة بقت صعبه الكل فيها شقيان

فقير وغني .... صغير وكبير

سليم ومريض .... حزين وسعيد

الكلللللللل فاكر نفسه غلبان

ومن قهر الحياه ومآسيها

بطلوا يفكروا

بطلوا يحلموا ....

بقت عيشه والسلام

والدنيا ماشية مش واقفه

ملهاش صاحب ولا خِل

دنيا زي شجر الخريف

ملهاش في الاحساس ضِل

الشاطر فيها اللي يعرف يجرح

الشاطر اللي يعرف امته يزل

الشاطرفيها اللي مات احساسه

الشاطر بقى اللي بياكل ناسه

دنيا عجيبه غريبه

حسبي الله ونعم الوكيل

يااااااااارب خدني منها على خير

اللهم عفوك وسترك ورضاك و حُسن لقاك يارب العالمين