أيوة أنت .. أنت ابنها

ردي على كلمات ( والله يامه أنا ابنك)
لشقيقي الأديب د. مازن خاطر

في عيون هاله

أيوة أنت .. أنت ابنها
أنت الحِمى والسند
ماعاش اللي يقول جبان
وقطع لسان اللي يقول خوان
دا أنت الفارس الإنسان
جوه وبرا في قلبك صاينها
عشت وعاشت أجمل بلد
عاش الابن اللي ..
عارف ازاي يحمي أمه
عاش الفارس اللي..
مفيش مخلوق يهمه
عاش المؤمن اللي..
بيخاف ربه وبيراعيه
عاش البطل اللي ..
بيفدي بلده بروحه ودمه
عشت وعاشت أجمل بلد
ومين زيك يكتب في حبها
وعنها ويصف ألمك وألمها
ومن غيرك يطبطب عليها
ويحضنها
وبعيونه ونبض قلبه يطمنها
ايوة أنا ابنك حماكِ وسندك
عشت وعاشت أجمل بلد
نبض قلب/ براءة جميلة