حافظين مش فاهمين ..
بقلبي وقلمي براءة جميلة
مشكلتكم يا رجاله حافظين مش فاهمين
بتاخدوا الكلام من أخره وتعملوا فالحين
ولما نفهمكم الصح تعندوا وتقولوا قلمين
لو فاكرينها شطارة.. احنا كمان شاطرين
وعلمني أهلي اللي يديني قلم اديله اتنين
هتقول قوة وقوامة هقولك روح شوف تفسيرها
وبلاش تتكلم وانت جاهل .. والمعاني تغيرها
للبيت سيد و ست .. مستحيل يمشي من غيرها
والدنيا آدم وحو ا .. ومستحيل تتعمر من غيرها
هتعمل فيها سي السيد هقولك خلي بالك
دا كان قصة للعبرة اوعى يخدعك خيالك
ولو نسيت القصة أنا افكرهالك ..
شخصية كتبها راجل بينتقد أفعالك
في البيت أسد جسور غضبه اعصار
ووسط العوالم تابع شغال طبلة وطار
وسط الناس مهاب ووقت الجد فااااار
بيحلم يبقى زية رجال كتير في الدار
يشخط ويضرب وامينة تخاف وتحتار
والمشكله تلاقي كتير عارفين القصة
وخدوا منها أفعاله .. ونسيوا العبرة
أخرتهم هتبقى قصة عنوانها ندامة
وهيرجع كل أدم يبوس ايدين أمينه
بقلبي وقلمي / براءة جميلة
ليست هناك تعليقات:
إرسال تعليق