لما الخير في الدنيا يقل..

 

لما الخير في الدنيا يقل..

ويهون الخِل ع الخِل..

والقسوة تبقى هي الحل..

والطيب ينداس..

والكدب يبقى هو الأساس ..

ويموت في الناس الاحساس..

قول ع الدنيا السلام..

دي دنيااااا متسوااااش.. 

  براءة جميلة

مش كل واحد يعرف قيمة الحرف ومكانه

مش كل واحد يعرف قيمة الحرف ومكانه

ولا كل واحد يحس بمعناه وقيمته وزمانه

في ناس بتنقل حروف ولا فاهمه معانيها
 
وينقلوا ردود غيـــــرهم كتبها وتعـــب فيها

وتيجي تقول يا عالم دا حـــــــق لاصحابه

تلاقــي اللي واقف ضــدك وزعلان جنابه

مهو لو كتب بقلبـــه حـرف هيتحــرق عليه

ولا هيقبل يوم بسرقته ولا حـد ينسبه ليه

لكن تقــول ايه على اللي فقـد احساسه

وبيسرق في اخــواته ... وبيـــاكل نــاسه

حسبــــــــي الله ونعــــــــم الوكيــــــــــل

في كـــل من يســـرق احســــاس غيــره

وينسبــــ ــــ ـــــ ـــــه لنفســـــ ـــــــ ـــــــه
 

أعشقها وأعشق ترابها .. كلمات في حب بلدي ( 20 )

ستنهض وتختال فرحا

بميلاد يوم جديد

فيه إشراقه حرة

لشمس تنير كل الربوع

وبسواعد أبنائها

وحماية حراسها

ستبقى شامخة

ولا ذل لها ولا خضوع

2012

أعشقها وأعشق ترابها .. كلمات في حب بلدي ( 19 )

يا مصـر يا أرض السـلام والأمـان

يا اســم ربنــا كرمــه في القـــرآن

يا طريــق للأنبيــاء في كل زمـــان

صمــودك عمـــره مـــا هـ ينكســـر

ولو حاول يكسره أي خاين أو جبان

أعشقها وأعشق ترابها .. كلمات في حب بلدي ( 18 )

هي فين ؟

فين وديتوها

مخبينها

ولا ضيعتوها

هي فين ؟

مش لاقياها معاكم

مش شايفاها في عينيكم

مش حاساها جواكم

هي فين ؟

سايب ليه ايد اخوك

ليه متفرقين

دي وصيتي ليكم

لو بتحبوني صحيح

اتجمعوا

وفي حضني من تاني

ارجعوا

خلوني اعرف اضمكم

وتضموني

خلوني اقدر احميكم

وتحموني

متبصليش كدا انت وهو

يلا دور هنا وجوه

شوفوها راحت فين

و عليكم وزوعوها

وفي كل شبر ازرعوها

وبقلوبكم ارووها

وبأرواحكم راعوها

خلوها من تاني تكبر

تروى عطش قلوب شقيانه

و تنور عيون هفتانه

خلوني اشوف ايديكم

من تاني مشبكه في بعضها

بقوة ما حد يقدر يفكها

خلوني اقول ولادي سد منيع

لا كبير بينهم يتهان

ولا صغير منهم يضيع

يلا يا نبض قلبي

دوروا هي فين

المحبة اللي بتجمعكم

يا مصريين

2011

 

 

 

أعشقها وأعشق ترابها .. كلمات في حب بلدي ( 17 )

مهما اتغربت خطوتنا

ومهما كان لكل البلاد محبتنا

يبقى بالقلب محبة تانية

مختلفة

مننا بتاخدنا

ولها دايما الحنين

حَنين الروح لهوا مختلف

هوا دافي بينبض

و بيحضن أرواحنا

حَنين لـ تراب حِنيِّن

حاضن جواه جذورنا

حَنين مختلف

لـ أجمل بلاد الكون

لـ مصـ أم الدنيا ـــــــر

  2011 

 

أعشقها وأعشق ترابها .. كلمات في حب بلدي ( 16 )

هما دول ولادي

دول ودول ودول

ولادي هما كل دول

اللي بيعزني

وحلف يحميني وما يزلني

واللي سمع كلام اعدائي

وصوروا له انه بيبني فيا

وهو بيهدني ..

واللي طيب و مش عارف

قلبه دايما عليا خايف

.واللي من كتر حبه بيحاول يضمني بقلبه

بس بدال ما يديني حنان وقوة كسرني

وانكساري هده

واللي بيرفع راسي لفوق

واللي في بعده عني كله ليا شوق

دول ولادي هما دول

اللي وقت أزمتي كلهم ايد في ايد

يفدوني بأرواحهم وسلامتي ليهم عيد

دول ولادي هما دول ودول ودول

أعشقها وأعشق ترابها .. كلمات في حب بلدي ( 15 )

أم الدنيا

بلدي أنا قلبها وهي قلبي

مصر قلب العالم

مهد الحضارة

مصر التاريخ

مصر الأصالة

مصر الشهامة

مصر خير أجناد الأرض

مصر بلد أم العرب هاجر

مصر أم مارية زوجة المصطفى صلى الله عليه وسلم

مصر خالة إبراهيم ابن سيد البشر سيدنا محمد صلى الله عليه وسلم

مصر النقاء والشفافية

مصر النخوة والأخوة

مصر الأزهر والدين

مصر بلدي قلبي

وانا قلبها

يا رب يحفظ مصر وأهلها

أعشقها وأعشق ترابها .. كلمات في حب بلدي ( 14 )

مصرية أنا وأمي مصر

نعيش في عشه

أو نعيش قصر

الأصل أصله مش بالمال

الأصل أخلاق صفات رجال

شهامة ونخوة

عزة وكرامه

عزيمة وقوة

تحدي المحال

مصرية أنا بنتك يا مصر

مصرية وليا كل الفخر

أعشقها وأعشق ترابها .. كلمات في حب بلدي ( 13 )

لو كنت راجل يا للي من بعيد بتدبر

وتفكر ازاي فيها للفتنة تفجـ ــ ــر

وتحاول لشموخها وصمودها تكسر

و نسيت يا إنسان .. لو كنت إنسان

إنها بلد الأمان مهما حاولت يا جبان

دا تكريم كرمه لها ربنا في القرآن

محروسة وهي محروسة بأمر الله

مهما تعملوا فيها مش هتغير كلام الله

﴿ادْخُلُوا مِصْرَ إِنْ شَاءَ اللَّهُ آمِنِينَ﴾
(يوسف: من الآية 99)

 

3 يناير 2011

أعشقها وأعشق ترابها .. كلمات في حب بلدي ( 12 )

شرقت وغربت وشوفت بلاد وأجناس

فيهم طيبة صحيح وخير وإحســـاس

لكن زي أهلك مشوفتش ولا هشوف

الطيبة والخير فيهم منبــع وأســـاس 

3 يناير 2011

أعشقها وأعشق ترابها .. كلمات في حب بلدي ( 11 )

قرب تعالى وهات عينيك في عينيها

قول أمجادك يا للي عامل قلبك عليها

بتاكل من خيرها وتشرب من نيلها

و فاكراك سندها وحماها وضلها

و أول ما تظلم تطعن في ضهرها

خليت ايه للغريب يا بن بلدي

روح واتغرب ولف الدنيا شرق وغرب

هترجعلها تاني وعينيك في الارض

وتقولها أسف يا أمي سامحيني

هتلاقيها بتفتح ايديها ليك واحضانها

ومهما كان اللي فيها واللي بتقول عليه

احلى مليون مرة من غيرها هتلاقيها

دا كفايه الأمان اللي بتدور عليه

واللي لو لفيت الدنيا كلها

أتحداك في غير أرضها ... تلاقيه 

12 ديسمبر 2010

 

أعشقها وأعشق ترابها .. كلمات في حب بلدي ( 10 )

يا بلـدي يا غنوة عشاق

ليكِ القلــــوب تشتــــاق

في حبـــك كتبنا كتيـــــــر

ومــــا بتتملــــي الأوراق 

7 ديسمبر 2010

 

أعشقها وأعشق ترابها .. كلمات في حب بلدي ( 9 )

مصر يا أرض الطُهر يا نقية

فيكِ الطيبة صفة وأسم يا بهية

شعب قلبه مليان محبه وخير

وفي عز التعب يبتسم بحنية 

1 ديسمبر 2010

 

أعشقها وأعشق ترابها .. كلمات في حب بلدي ( 8 )

مصـــــــــر يا اسم كرَّمه رب العالمين

وذكره في القـــــــرآن مش مرة ولا أتنيــن

وقال عن ولادك المصطفى صلى الله عليه وسلم

إنهم خير أجناد الأرض و في رباط ليوم الدين 

30 نوفمبر 2010

 

أعشقها وأعشق ترابها .. كلمات في حب بلدي ( 7 )

طــول عمرها للكــل فاتحة أحضانها

ولا فرقت بين ابنها وبين ابن جيرانها

نفس الحنيه ونفس الخوف عليهم

شايلة هموم الكل حتى اللي خانها

أعشقها وأعشق ترابها .. كلمات في حب بلدي ( 6 )

كلنا ولادها واتربينا في حضنها

وحلفنا نصونها ونصون عرضها

لو يوم حسيت بظلم من أي نوع

ليه تقسى عليها هي و تقول ذنبها

أعشقها وأعشق ترابها .. كلمات في حب بلدي ( 5 )

لو يوم أخــ ــــوك ظلمك ...

ليه تجيب الذنب على أمــــك

دي أرضك عرضك منها جيت

وعليها وفي حبها هـ تربي ابنك

الظلم في كل مكان موجود ..

شوفت كتير وقليل أجناس 

في بلادهم أكتر وأكتر من هنا

مشوفتش ناس بسيف الكلمة

 بيدبحوا في بلدهم زي عندنا

أنا بس حبيت أقول ان بلدي مفيش زيها

و مصر هي مصر أم الدنيا كلها  

30 - 11 - 2010

أعشقها وأعشق ترابها .. كلمات في حب بلدي ( 4 )

اتغربت عنك يا أمي

وشايله روحك في دمي

بتصبرني في غربتي

لما ارجعلك يا أمي

شفت كتير من البشر أصناف

ناس بتحبك وناس عليكِ بتخاف

وناس لو يوم الفجر فيكِ اختفى ما يهمها

وناس بعيدة وسايبه معاكِ روحها وقلبها

وحتى ابنك اللي بيعاتب عتاب جارح

دايما بفكره وقلبه وروحه فيكِ سارح

بتخونه الحروف ساعات ويخونه نطقها

وأول ندا منك يجري لحضنك يبكي وينوح

ويقولك سامحيني يا أمي أفديكِ بالروح

لسه الخير جواه يا أمي

ولسه روحك ساكناه

ومين يقدر يغفر ويسامح أي هفوة

إلا سماح الأم لابنها

تبتسمي وتضحكي وبقلبك تضميه

ضمة حبايب قلوبهم جواكِ مستنياه

يرجع بلهفة وشوق وبعيونهم تتلقاه

ولو يوم رجع ملقاش صورته في العيون

مش من حقه يلومك ولا ليكِ يخون

ما هما بشر زيه تمام

من حقهم يلاقوا صورتهم في عيونه كمان 

29 - 11 - 2010

 

أعشقها وأعشق ترابها .. كلمات في حب بلدي ( 3 )

على حبها دايما متجمعين في كل مكان

دا في سحرها تايهة العيــون من زمان

فــوق أرضهـــــا فـــــرحة لقا بـ تضمنـا

وفي غير حضنها عمرنا ما هـ نلقى أمان

أعشقها وأعشق ترابها .. كلمات في حب بلدي ( 2 )

بتحضني وبقلبك تضمني ؟

مـ أنا منك وأنت مني

ابني اللي بحبه وبيحبني

لا يوم تهون عليك دمعتي

ولا يجيلك قلب تذلني

فرحتك هي فرحتي

وبسمتك رسمتهالك وردتي

بص حواليك شوف ترابي

ازرعه محبة واسقيه

هتحصد منه هَنا وخير

وأكتر من اللي بتحلم بيه

  26  نوفمبر 2010

 

ساعات .... وساعات

ساعات .... وساعات

يموت جوانا السكات

يموت من غير آهات

يموت بحسرة على دمع

كان نفسها ع الخد تسيل ...

وآه جوه القلب ساكنه

والقلب من الألم اصبح قتيل

ساعات الفرحة فيكي يا دنيا

ليه قليله .........؟؟

وليه ليل الالم فيكي طويل ؟؟

 براءة جميلة

أنتظرك لآخر العمر

أقسمت بقلبك بين أضلعي
و روحك في جسدي
أن يسكنني حبك طول عمري
و من حبك كلي يرتوي
أنتظرك
لأخر
العمر

في ذكرى أمي .. قالت لي إحداهُن

 
في ذكرى أمي .. قالت لي إحداهُن
( حين رأتني أبكي أمي ولا زال حزني عليها كبيرا )
فقالت لي رحمة الله على أمك تستحق لحنانها الكبير معكِ
تقول لي ذلك لأن أمها تقسو عليها كثيرا .. كما تقول هي ..
وأقول لها و لكل من كانت أمه أو أباه على قيد الحياة
لا تظنوا تربية أمهاتكم أو آبائكم لكم قسوة
فهم يربينكم لتكونوا أقوياء في الدنيا
و والله قسوتهم التي تظنون
هي أقسى درجات الشدة عندهما
و أدنى درجات الحنان عندهما
وأقصى درجات الرفق عند غيرهما
فإن كانت تلك القسوة أدنى درجات الحنان
فما هي أقصى درجات حنانهما
حتما أحسستم بحنانهما وحبهما
كان حنان أمي وأبي رحمهما الله لا تصفه حروف
مهما حاولت الوصف
ولم أحزن يوما ولم أغضب
من قسوة قسوها أو شدة أو عقاب منهما لي
لأني على يقين أنه لن يوجد مخلوق على وجه الأرض
يُحب لي الخير ويتمناه لي مثلهما ..
فكنت أتقبل توجيهات أمي وأطيعها
محبة لها وابتغاء رضاها
ورضا الله تعالى الذي هو من رضاها عليَّ
و والله سيأتي يوما تتمنوا لو يعود الزمن للخلف
ويقسوا أكثر عليكم ولكن يكونوا بجانبكم سندا لكم
فـ مهما كبروا في السن وجودهم في الدنيا أمان
ومهما كبرتم فأنتم في احتياج لوجودهم بجانبكم
آهٍ لو تعلمون أن وجودهم في الدنيا أمان
لا يعلمه إلا من فقدهما أو فقد أحدهما ..
وبعدهما لا أمان ولا حنان ولا حياة
أمهاتنا وآبائنا طريق من طرق الجنة
التي أعطاها الله لنا
رحمة مهداه لنا من رب العالمين
فهل هناك ارحم أو أحن من قلب الأم والأب ؟
بارك الله في أمهاتكم وآبائكم
وجعلكم لهما خير ذرية في الدنيا
ورحم الله أمي وأبي وجعل مثواهما الجنة
وجعلني لهما خير ذرية في الدنيا
وألحقني بهما في جنة الخُلد
آمين يا رب العالمين
بقلبي وقلمي براءة جميلة

أمي والقمر

أمي والقمر

كنت دائما أسمعهم

 يقولون لها

 وجهك كما القمر

روحك كنسيم عاطِر

عطائِك وتفانيكِ مطر

و رحلت أمي

وكل ليلة أناديها

أحاول لمسها

أمد يدايَّ لعلني

أحتضن وجهها

 .. القمر ..
 رحمة الله عليكِ يا نبض الحياة
اللهم اجعل أمي سيدة من سيدات أهل الجنة
آمين يا رب العالمين

براءة جميلة

في ذكراكِ يا أمي اللهم ارحم أمي وأبي واجعل مثواهما الجنة

اليوم يكون مر عام على فقدان نبض حياتي ( أمي)

ربنا يرحمها يا رب ويجعلها سيدة من سيدات أهل الجنة ..

دعواتكم لها بالرحمة  وقراءة الفاتحة لها

ولـ ( أبي ) رحمه الله وجعله رجلا من رجال الجنة ..

ولكل ( أم وأب ) توفاهم الله

ولكل موتانا وموتى المسلمين ..

ربنا يرحمهم ويجعل مثواهم الجنة ..

ربنا يتقبل يا رب

ويجعلنا خير ذرية لهما في الدنيا

ويلحقنا بهما في جنة الخلد

آمين يا رب العالمين

براءة جميلة

كل عام وغيابك بخير

كل عام وغيابك بخير