اللي مش سامع يسمع

صرخة كرامة خرجت
والفرحة بيها ما تمت
ما بين قلوب اتحرقت
على شهداء راحو بلاش
وبين قلوب ما يهمها
مين مات ومين عاش

وقلوب لساها بتنادي
نفديها من الاعادي
ارواحنا فدا بلادي
صوتهم مش مسموع
واصرارهم رغم الفشل
هنكمل مفيش رجوع

ترابك يا بلدي غرقان دم
ووحياتك يا أغلى ام
كل خاين هيندم
وحق الشهيد هيرجع
وعد دين في رقابتي
واللي مش سامع يسمع

هنعدي بيكِ لبر الامان
بإذن الواحد الرحمن
حلفنا ما يفرقنا إنسان
ايدينا في ايدين بعضنا
ها نبني ونعمر من جديد
ونقول للدنيا مين قدنا



براءة جميلة